2026 жылғы 09 сәуірде Алматы қаласы Фтизиопульмонология орталығында алғашқы медициналық-санитариялық көмек ұйымдарының фтизиатр дәрігерлеріне арналған оқыту семинары өтті.
Семинарды орталықтың клиникалық фармакологы Ажара Сагимбекова жүргізді. Оқытудың негізгі тақырыбы — перифериялық нейропатияны субъективті және объективті бағалау, оны дер кезінде диагностикалау, сондай-ақ туберкулезге қарсы препараттардың жанама әсерлерін жою әдістері болды.
Семинар барысында:

• перифериялық нейропатияны бағалаудың заманауи тәсілдері;
• науқастарды қарау және жүргізу алгоритмдері;
• жанама әсерлердің алдын алу және түзету жолдары қарастырылды;
• вибрацияны сезінуін бағалау және терең сіңірлік рефлекстерді тексеру әдістері көрнекі түрде көрсетілді.

Оқытуға 18 фтизиатр дәрігер қатысты.
Мұндай білім беру іс-шаралары мамандардың біліктілігін арттыруға, емдеу сапасын жақсартуға және туберкулезбен ауыратын науқастарда асқынулардың даму қаупін төмендетуге ықпал етеді.
Медицина қызметкерлерінің кәсіби деңгейін арттыру бағытындағы жұмыс тұрақты түрде жалғасуда.