Ереже

Пациенттерді қолдау және ішкі бақылау қызметтері Алматы қ. ДСБ ШЖҚ «Фтизиопульмонология орталығы " КМК

 

1. Жалпы ережелер

 

      Осы Ереже Қазақстан Республикасының 2020 жылғы 7 шілдедегі №360-VI ҚРЗ «Халық денсаулығы және денсаулық сақтау жүйесі туралы» Кодексіне және Қазақстан Республикасы Денсаулық сақтау министрінің 2020 жылғы 3 желтоқсандағы № ҚР ДСМ-230/2020 бұйрығымен бекітілген «Медициналық қызметтердің (көмектің) сапасына ішкі және сыртқы сараптама ұйымдастыру мен өткізу қағидаларына» сәйкес әзірленді.

      Алматы қаласы Қоғамдық денсаулық сақтау басқармасының «Фтизиопульмонология орталығы» ШЖҚ КМК (бұдан әрі — ФО) жанындағы Пациентті қолдау және ішкі бақылау қызметі (бұдан әрі — ПҚІБҚ) туралы ереже, көрсетілетін медициналық қызметтердің сапасының бекітілген стандарттарға сәйкестігіне ішкі бақылау жүргізу тәртібін белгілейді, сондай-ақ азаматтарға медициналық көмек көрсету кезіндегі қауіпсіздік талаптарының сақталуын бақылауды ұйымдастыру тәртібін айқындайды.

      Пациентті қолдау және ішкі аудит (бақылау) қызметі (ПҚІБҚ) — туберкулезбен ауыратын науқастарға көрсетілетін медициналық қызметтердің сапасын басқару саласындағы қызметті жүзеге асыратын ФО-тың құрылымдық бөлімшесі болып табылады.

      Осы  ПҚІБҚ міндеттері, құқықтары мен жауапкершілігін анықтайды.

2. Миссия

      Алматы қаласы тұрғындарына фтизиопульмонология бағыты бойынша білікті медициналық көмек көрсету.

      1) Мақсаты:

      Туберкулезбен ауыратын науқастарға сапалы медициналық көмек көрсету.

ФО туберкулезбен ауыратын қала тұрғындарына қызмет көрсетеді, туберкулезге диагностика жүргізеді, туберкулез диагнозын орталық дәрігерлік-консультациялық комиссия арқылы белгілейді, стационарлық көмек көрсетеді, сондай-ақ үй жағдайында амбулаториялық ем (мобильді бригада) ұйымдастырады және қаладағы медициналық ұйымдарда туберкулезге қарсы іс-шаралардың мониторингі мен бағалауын жүзеге асырады.

Центрде келесі мамандар жұмыс істейді:

* дәрігерлер,

* орта медициналық қызметкерлер,

* кіші медициналық персонал,

* өзге де қызметкерлер,

* фармацевт.

 

2) Қызметтің негізгі қағидаттары:

* Туберкулезбен ауыратын халыққа Кепілдендірілген тегін медициналық көмек көлемі (КТМКК) шеңберінде қызмет көрсету;

* Медициналық көмектің қолжетімділігі, дер кезінде, сапалы, үздіксіз әрі қауіпсіз болуы;

* Пациенттердің медициналық көмекке қанағаттану деңгейін арттыру;

* Медициналық көмекті көрсету барысында жоғары кәсіби деңгейді сақтау.

3. Нормативтік-құқықтық база:

 ПҚІБҚ өз қызметінде келесі нормативтік құқықтық актілерді басшылыққа алады:

1. Қазақстан Республикасының 2020 жылғы 7 шілдедегі №360-VI ҚРЗ

   «Халық денсаулығы және денсаулық сақтау жүйесі туралы» Кодексі;

2. Қазақстан Республикасы Денсаулық сақтау министрінің

   2020 жылғы 16 қыркүйектегі №103 бұйрығы

   «Медициналық қызметтердің (көмектің) сапасын сараптау кезінде тәуелсіз сарапшыларды тарту қағидаларын бекіту туралы»;

3. Қазақстан Республикасы Денсаулық сақтау министрінің

   2020 жылғы 3 желтоқсандағы № ҚР ДСМ-230 бұйрығы

   «Медициналық қызметтердің сапасына ішкі және сыртқы сараптама ұйымдастыру мен өткізу қағидаларын бекіту туралы».

 

4. ПҚІБҚ міндеттері

 ПҚІБҚ басты міндеті – азаматтардың КТМКК шеңберінде қажетті көлемде және тиісті сапада медициналық көмек алу құқықтарының қамтамасыз етілуін жүзеге асыру.

      ПҚІБҚ медициналық көмектің сапасын басқару бойынша ұйым қызметін келесі бағыттарда үйлестіреді:

1. Пациенттердің медициналық көмек сапасына қатысты жүгінулерін қарастырады, бұл үшін арнайы комиссия құрылады. Жүгінулерді қарау мерзімі 5 күнтізбелік күннен аспауы тиіс. Сонымен қатар, көрсетілген қызмет сапасына қанағаттану деңгейін анықтау мақсатында пациенттер арасында сауалнама жүргізіледі;

   Жүгінулер «осында және дәл қазір» қағидаты бойынша қарастырылады.

2. Кадрлық және материалдық-техникалық ресурстардың жай-күйі мен пайдалану тиімділігіне бағалау жүргізеді;
3. Медициналық көмек көрсету технологияларын денсаулық сақтау саласындағы қолданыстағы стандарттарға сәйкестігі тұрғысынан бағалау, сондай-ақ комиссиялық бағалауға жататын жағдайларды іріктеу;
4. КТМКК қағидаларын сақтауын бақылау;
5. Жұмыстағы кемшіліктердің алдын алу және жою, сондай-ақ медициналық көмектің сапасы мен тиімділігін арттыруға бағытталған бағдарламалық іс-шараларды әзірлеу.
6. ПҚІБҚ функциялары

ПҚІБҚ келесі функцияларды жүзеге асырады:

1. Ішкі индикаторлардың орындалуын талдау;
2. Ауруханаішілік комиссиялардың қызметін талдау;
3. Талдау нәтижелері бойынша анықталған проблемалар туралы басшылықты ақпараттандыру және басқарушылық шешімдер қабылдау үшін мәліметтер ұсыну;
4. Медициналық көмектің сапасын қамтамасыз ету мәселелері бойынша денсаулық сақтау ұйымының қызметкерлеріне оқыту және әдістемелік көмек көрсету;
5. Қызметкерлердің пікірін зерттеу және ұйымдағы медициналық қызмет сапасын арттыру мен пациент қауіпсіздігін қамтамасыз ету бойынша қабылданған шаралар туралы қызметкерлерді хабардар ету.
6. Медициналық қызметтердің сапасын сараптау әдістері

Медициналық қызметтердің сапасына сараптама келесі әдістер арқылы жүзеге асырылады:

1. Ішкі сараптама – бұл үдеріс пен нәтиже индикаторлары арқылы жүргізілетін бағалау;
2. Өзіндік бақылау – дәрігер мен орта медициналық қызметкер бірлесіп жүргізеді, кейін бөлім меңгерушісі мен аға мейіргер тарапынан аудит жасалып, нәтижелері ПҚІБҚ-қа ұсынылады;
3. Пациенттерге сауалнама жүргізу;
4. Қызметкерлердің пікірін зерделеу және оларды медициналық көмектің сапасы мен қауіпсіздігін жақсартуға бағытталған шаралар туралы ақпараттандыру;
5. «Сенім телефонына» келіп түскен қоңырауларды мониторингілеу;
6. ПҚІБҚ ай сайын стационарда емделген жағдайлардың кемінде 15 %-ына сараптама жүргізеді.

      100% сараптамаға жататын жағдайлар тізбесі:

1. Барлық өлім жағдайлары;
2. Ауруханаішілік инфекциялар;
3. Сол бір ауру бойынша бір ай ішінде қайталама госпитализация — алдыңғы емнің сапасыз болуына байланысты;
4. Емдеу мерзімдерінің негізсіз ұзартылуы немесе қысқаруы;
5. Диагноздардың сәйкессіздігі;
6. Негізсіз госпитализация жағдайлары.

ПҚІБҚ құрамына келесі мамандар кіреді:

1. Медициналық қызметтердің сапасын бақылау жөніндегі директор орынбасары;
2. Емдеу ісі жөніндегі директор орынбасары;
3. Барлық құрылымдық бөлімшелердің меңгерушілері;
4. Сарапшы дәрігерлер;
5. Клиникалық фармаколог;
6. Эпидемиолог дәрігер;
7. Бас мейіргер;
8. Заңгер;
9. БАҚ-тағы мониторингке жауапты бағдарламашы;
10. Статист.

ПҚІБҚ жанында «Сенім телефоны» жұмыс істейді, қажетті кеңсе техникасы мен интернет бар.

      Жүзеге асырылатын іс-әрекеттер:

1. ПҚІБҚ жұмысының барлық бағыттары бойынша басшы талдау жүргізеді, проблемалық мәселелер талқыланып, шешімдер қабылданады;
2. Сараптама нәтижелері барлық ПҚІБҚ мүшелерінің қолы қойылған акт түрінде ұсынылады, қорытындысы мен шешім қабылдау жолдары көрсетіледі. Талдау тоқсан сайын және қажет болған жағдайда өткізіледі;
3. Медициналық ұйымның бөлімшелерін тұрақты аралау — медициналық қызмет көрсету сапасын жетілдіру мақсатында проблемаларды анықтау үшін;
4. Құрылымдық бөлімше меңгерушілері өз бөлімшелерінде медициналық көмектің сапасына сараптама жүргізеді – медициналық құжаттама, жұмыс көрсеткіштері, статистикалық деректер, сондай-ақ диагностикалық және емдеу шаралары негізінде;
5. Бас мейіргер орта медицина қызметкерлерінің қызметтік міндеттерінің орындалуына сараптама жүргізеді.

      Сараптама жүргізу кезінде келесі қағидаттар сақталуы тиіс:

      Жүйелілік – құрылым, үдеріс және нәтиже индикаторларының өзара байланысы арқылы сараптама жүргізіледі;

      Объективтілік – сараптама денсаулық сақтау саласындағы стандарттарды қолдану арқылы жүзеге асырылады;

      Ашықтық – сараптама құрылымдық бөлім басшысының қатысуымен немесе медициналық қызмет сапасына жауапты дәрігердің қатысуымен жүргізіледі;

      Қабылданған шаралардың барабарлығы мен тиімділігі.

 

7. Өзіндік бақылау (Өзін-өзі бақылау)
8. Өзіндік бақылау — бұл қызметкердің өз функционалдық міндеттерін, кәсіби стандарттарды нақты білуі және оларды бұлжытпай орындауы арқылы көрініс табады.
9. Медициналық құжаттардағы дәрігер мен мейіргердің қолы — аталған маманның жүргізілген іс-шаралардың дұрыстығына көз жеткізгенін және барлық әрекеттерін саналы түрде, яғни өз бақылауымен орындағанын білдіреді.
10. Өзін-өзі бағалау:

* Қызметтің нормативтік-құқықтық актілерге,

* Диагностика және емдеу хаттамаларына,

* Аккредитация стандарттарына сәйкестігін анықтау үшін жүргізіледі (клиникалық аудит).

4. Ішкі бақылау құрылымдық бөлімше деңгейінде жүргізіледі:

      Дәрігерлердің жұмысына — бөлім меңгерушісі,

* Орта медициналық қызметкерлерге — аға мейіргер мен бас мейіргер жауапты.

 

Пациенттердің өтініштері мен арыздарымен жұмыс істеу тәртібі

1. Пациенттер мен олардың туыстарының жазбаша, ауызша немесе телефон арқылы берілген өтініштері мен арыздарын қарау кезінде ПҚІБҚ мамандарының әрекеттері пациенттің құқықтары мен заңды мүдделерін қорғауға бағытталуы тиіс. Бұл көмек КТМКК шеңберінде көрсетіледі.
2. Азаматтардың шағымдары мен өтініштерін қарау барысында ПҚІБҚ мамандары Қазақстан Республикасының 2020 жылғы 29 маусымдағы № 350-VI «Әкімшілік рәсімдік-процестік кодексін»,

   Қазақстан Республикасының Конституциясын және өзге де нормативтік құқықтық актілерді басшылыққа алады.

      Азаматтардың өтініштерімен жұмыс істеу кезінде сақталатын негізгі қағидаттар:

1. Қазақстан Республикасы заңнамасын сақтау;
2. Барлық өтініштер мен арыздарға қойылатын бірізді талаптар;
3. Азаматтардың құқықтары, бостандықтары және заңды мүдделерінің сақталуына кепілдік беру;
4. Өтініштерді қарау кезінде бюрократиялық көзқарасқа жол бермеу;
5. ПҚІБҚ-қа жүгінген барлық тұлғаларға тең қарау;
6. ПҚІБҚ қызметінің ашықтығы мен жариялылығы

Қараусыз қалдырылуы мүмкін өтініштер:

-Анонимді өтініштер (мемлекеттік мекеме ғимаратында қауіп төндіретін жағдайларды қоспағанда);

-Мәселенің мәні баяндалмаған өтініштер.

Өтініштерге берілетін жауаптар:

* Мазмұны жағынан негізделген болуы тиіс;

* Мемлекеттік тілде немесе өтініш берілген тілде ұсынылады;

* Қазақстан Республикасының заңнамасына сілтемелермен,

* Нақты фактілермен,

* Шешімге шағымдану құқығы түсіндірілген түрде беріледі.

Шағымды қарау мерзімі:

Жиырма жұмыс күні, шағым түскен күннен бастап.

Жазбаша өтініштерге жауап беру мерзімі:

Бес күнтізбелік күннен аспайды, өтініш келіп түскен күннен бастап.

Әкімшілік рәсім мерзімі:

Он бес жұмыс күні, өтініш түскен күннен бастап,

Егер заңмен өзгеше көзделмесе.

9. Қорытынды ережелер

1) Ішкі сараптама нәтижелері ПҚІБҚ отырысында қаралып, хаттамамен ресімделеді.

2) Медициналық көмек көрсетуде кемшіліктер немесе сапасыз көрсетілген медициналық көмек анықталған жағдайда, медициналық көмекті нақты тексерілген жағдайда көрсеткен медициналық қызметкерлерге бақылау нәтижелері туралы ақпарат жеткізіледі, қажет болған жағдайда – қолхатпен.

3) Ішкі сараптама нәтижелері бойынша медициналық ұйым басшысына ПҚІБҚ ай сайын көрсетілген медициналық қызметтердің сапасын төмендететін себептер мен жағдайларды жоюға ұсыныстар енгізеді.